نعم الحب الحقيقي لا يعرض في المزاد، ولا يُشترى بالعملات الورقية لأنه يقتات على الاهتمام، والتفاصيل الصغيرة، والوجود الصادق في لحظات الانكسار قبل الفرح فالعاطفة التي تُغذى بالهدايا والماديات فقط، تظل دائماً جائعة ولا تشبع، لأنها تفتقر إلى الروح، فالأثرياء حقاً ليسوا من تزدحم حساباتهم البنكية، بل من تزدحم قلوبهم بأشخاص يحبونهم لذواتهم، لا لما يملكون، ولذلك غياب الصدق في العلاقات اليوم هو السبب الذي يجعل الكثيرين يحاولون تعويض نقص العاطفة بالمال، الكثيرون اليوم يهربون من حقيقة عجزهم عن تقديم عاطفة حقيقية واهتمام صادق، بالاختباء خلف الهدايا الثمينة أو التفاخر بالمظاهر والنسب والمال، ظناً منهم أن المظاهر البراقة قد تستر فقر النفوس وجفاف القلوب لكن الحقيقة التي لا يمكن تزييفها هي أن العيش بوجهين وارتداء الأقنعة الاجتماعية أمر ينهك الروح، بينما الصدق مع النفس ومع الآخرين هو السكينة الحقيقية اما المادة قد تشتري الانتباه مؤقتاً، وتجلب حشوداً في المناسبات، لكنها تعجز عن شراء شخص واحد يسندك بقلبه في لحظة انكسار واحدة، إذا العلاقات التي تقوم على المصالح المشتركة أو التباهي المادي سرعان ما تنهار عند أول منعطف، لأنها ببساطة بلا جذور أما أولئك الذين يقدرون قيمة الاهتمام والوجود الصادق، فهم من يدركون أن أثمن ما يمكن تقديمه لمن نحب هو قلوبنا ووقتنا، لا حساباتنا البنكية.

#الغريب #مال #حب #شراء #كل ✍️🫆كمندر بركه

تعال أقعد في ضُلّ التعب شوية..

خلّي الدنيا البتجري دي تفوت براها، وأسمع صوتك الحقيقي قبل يضيع في دوشة الأيام.

عارف...

أصعب سفر ما البقطع الصحارى ولا البعبر البحر، أصعب سفر هو السفر الجوّة النفس.. لمّا تقوم كل صباح شايلك وتمشي، لكن روحك واقفة في نفس الحتة، متكية على وجع قديم، وبتسأل:

"أنا لِسّة بخير؟"

في ناس بتضحك ليك وقلوبها من جوّة أرض عطشانة، مشققة من كترة الصبر.

ونحنا بقينا نمشي شايلين أوجاعنا زي "صُرّة" مربوطة كويس، خايفين لو فتحناها قدّام زول.. تنكبّ مننا الدموع.

مرات الإنسان ما بكون عايز حاجة كبيرة..

بس داير ضُلّ آمن يسند فيهو روحو، وكلمة حنينة تربّت على قلبو وتقول ليهو:

"أها.. تعبك ده كلو ما راح ساي."

الدنيا دي ما مستاهلة كل الجري ده،

الوجوه بتتبدل.. الحكايات بتنطفي.. والحاجة البتفضل في آخر المشوار، قلب نظيف ما أذى زول، وأثر طيب خلّيتو وراك من غير ما تحس.

أوعك تخجل من تعبك..

الجبال ذاتها بتتشقق من السكات، كيف قلبك الصغير ده ما يوجعك؟

أرخِ يدك من حبال الهم..

وطبطب على روحك شوية، دي الروح البتحارب كل يوم عشانك، حتى وهي موجوعة.

ولو حسّيت إنو الدنيا ضاقت عليك..

أطلع آخر الليل، شوف السماء وهي ساكتة كيف، وشوف القمر كيف واقف براهو لكن منوّر.. حتعرف إنو الوحدة مرات ما ضعف، الوحدة استراحة محارب.

ما تستعجل للفرحة، ولا تطارد سراب، ولا تكسر قلبك عشان تلحق ناس ما منتظرينك.

الليل مهما طال.. لا بدّ من الصباح يجي، فخليك حنين شديد على نفسك، العمر م بسبقوهو، والرزق مقسوم، والضل مصيرو يميل ويجيك في مكانك، بس خليك صاااابر.

سلام من السودان الحبيبه 💪